A GHAZAL BY DR. VIJAY KALEEM

Tamam shab ki kahani ko mukhtsar kar de
Tu aaftab agar hai to phir sahar kar de.

Meri wafa ka agar imtihaan lena hai,
Kuchh aur sakht muhabbat ki rahguzar kar de.

Woh saaz chhed agar chhedana hai ay mutarib,
Jo guzare jism se aur rooh tak asar kar de.

Koi nahin hai zamane main gher to lekin,
woh hi hai apana jo imdad waqt par kar de.

MAA: A NAZM BY DR. VIJAY KALEEM

Zuban rakhate hue bhi be-zuban hai
Dukhon ki ek mukkamal dastan hai
Badi itani ke jaise ye zamin hai
Buland itani ke jaise aasman hai
Mujhe ab fakr ho jitana bhi kam hai
Main beta usaka hoon woh meri maa hai.